Një ditë para samitit të shtatë të komunitetit politik europian në Kopenhagen, mbreti Frederiku i dhjetë dhe mbretëresha Margrethe II mirëpritën në pallatin mbretëror 47 udhëheqësit e vendeve pjesëmarrëse, përfshirë edhe kryeministrin Edi Rama. Në maj të këtij viti, ishte Shqipëria mikpritëse e punimeve të komunitetit politik europian, tashmë stafetën e ka Danimarka dhe pritet që vitin e ardhshëm samiti të mbahet në Armeni dhe Irlandë. Kryeministrja e Danimarkës, Frederiksen së bashku me presidentin e këshillit europian, Antonio Costa do të bashkëkryesojnë punimet e samitit të komunitetit politik europian në 2 tetor. Bisedat e nivelit të lartë do të fokusohen në situatën e sigurisë në Europë dhe zhvillimet gjeopolitike. Kërcënimet tradicionale dhe hibride, siguria ekonomike dhe emigracioni janë temat kryesore të seancës plenare që do të diskutojnë liderët e Europës. Liderët do të mbërrijnë në orën 8 e 15 minuta dhe rreth orës 10 pritet të hapet seanca plenare. Pas shkrepjes së fotos familjare, sikurse e do tradita, do të ketë tryeza të rrumbullakëta dhe takime dypalëshe mes liderëve pjesëmarrëse.