Kjo shaka mes kryeministrit Edi Rama, presidentit francez Macron dhe atij të Azerbajxhanit Ilham Aliyev, lidhur me ngatërresën e bërë nga kreu i shtëpisë së Bardhë, Donald Trump që ngatërroi Shqipërinë me Armeninë për konfliktin mes Yerevanit dhe Baku, bëri xhiron e botës, pasi shumë media e shndërruan në kryelajm. Por disa prej tyre për kreun e qeverisë e shtëmbëruan realitetin duke e kthyer në një helm politik. Në një postim të gjatë në platformën X, Rama thotë se gjithça ishte një shaka në një moment miqësor. “Një shaka, një moment miqësor. Sigurisht, s’ka asnjë problem nëse përhapet, por ta shtrembërosh e ta kthesh në helm politik është thjesht e padrejtë. Prandaj le ta themi troç: E vërteta është që Presidenti Trump është treguar si një lider që riktheu fjalën ‘paqe’ në fjalorin e Perëndimit pas shumë vitesh. Dhe po, në një kohë jashtëzakonisht të shkurtër, ai arriti paqe aty ku të tjerët kishin provuar por kishin dështuar, dhe vijon ta ndjekë atë me ngulm.”, shkroi Rama ndërsa shtoi më tej se: “Ajo shkëmbesë nuk ishte gjë tjetër veçse një moment humori mes njerëzish, të cilët në fakt janë ndër admiruesit më të mëdhenj të Presidentit Trump.”