Konsultimet për mandatin e qeverisë së re, presidenti serb Aleksandar Vucic i nisi me një takim me kreun e Partisë për Veprim Demokratik, Shaip Kamberi, përfaqësues i Koalicionit të Shqiptarëve të Luginës, që në parlamentin serb do të jetë një vend. Kamberi shpjegoi se integrimin e shqiptarëve dhe se pjesëmarrja në Qeverinë e Serbisë nuk është prioritet i tyre. Zbatim të marrëveshjeve për Luginën, ndryshim të ligjeve për pakicat dhe fond për zhvillim: Prioritet i koalicionit është integrimi në institucionet publike, ato në nivel lokal dhe regjional, ndalimi i pasivizimit të adresave, fondi zhvillimor për Luginën dhe ndryshimi i Ligjit për flamurin. Në deklaratat e mëhershme për mediat, ai e kishte bërë të qartë se në takim do të insistonte në zbatimin e “Planit shtatëpikësh”, të miratuar nga qeveria e Serbisë në 2013-tën ku përmenden probleme të shumta me të cilat përballet pakica kombëtare shqiptare në Serbi, si integrimi ekonomik i shqiptarëve, njohja e diplomave, mospërdorimi i shprehjeve fyese ndaj tyre