Prokuroria e Fierit kërkon 25 vite burg për autorin e vrasjes së Haxhi Ballës, dhe plagosjen e të birit, si dhe 17 vite burg për bashkëpunëtorin. Ngjarja ka ndodhur më 20.07.2022, në lagjen “Afrim i Ri”, Fier, ku Armando Borici dhe vëllai i tij G.B, për shkak të konfliktit të çastit kanë goditur me thikë Haxhi dhe Aleks Ballën, babë e bir. Si pasojë e plagëve të marra, Haxhi balla ndërroi jetë. “Pas zhvillimit të gjykimit me ritin e gjykimit të zakonshëm, organi i akuzës në përfundim të shqyrtimit gjyqësor ka kërkuar: Deklarim fajtor të të pandehurit për veprën penale “Vrasja në rrethana të tjera cilësuese”, e kryer kundër dy personave, dhe dënimin e tij me 25 vjet burgim. Deklarim fajtor të të pandehurit për veprën penale “Vrasja me dashje”, e mbetur në tentativë, e kryer në bashkëpunim, dhe dënimin e tij me 17 vjet burgim”, njofton prokuroria.