Në Los Anxhelos u regjistrua një nga vjedhjet më të mëdha në histori, ku disa hajdutë vodhën afro 30 milionë dollarë. Ngjarja ndodhi të dielën e Pashkëve në një objekt të ruajtjes së parave të Luginës “San Fernando”. “Hajdutët ishin në gjendje të hynin në ndërtesë dhe të thyenin kasafortën ku ruhen paratë e gatshme nga bizneset në të gjithë rajonin” tha një përfaqësues i Departamentit të Policisë. Burimet pranë autoriteteve vendëse konfirmuan se vjedhja ishte ndër më të mëdhatë në historinë e qytetit dhe ishte organizuar vetëm nga profesionistë aq të zotë sa thyen sigurinë e një prej ndërtesave më të survejuara në Los Anxheles. Ngjarja u pikas vetëm të hënën dhe tanimë kanë lindur shumë pikëpyetje. Media, me ironi e ka quajtur një vjedhje si në serialin “Casa de Papel” për disa motive. Së pari, si është e mundur që në një ndërtesë kaq të fortifikuar nuk u ndez asnjë lloj alarmi? Së dyti, shumë pak njerëz e kanë ditur që brenda atyre mureve gjendeshin aq shumë para “cash”. Diçka është organizuar nga brenda. Së treti, shumë pak njerëz në botë dinë se si mund të çmontohen kasafortat që prodhohen në Canada, të cilat janë të lidhura me disa sisteme alarmi dhe jo vetëm me një të tillë. Policia tha se po heton për ngjarjen, por nuk komentoi nëse mund të gjurmoheshin paratë e vjedhura. Pamjet: AFP