Veteranët e Ushtrisë Çlirimtare të Kosovës kanë dy kërkesa aktuale nga institucionet e Kosovës. Këtë e bënë të qartë në protestën e së shtunës ku përmes pankartave pyetën "Mimozë a t'kallxoi Radojiçiqi ku janë 1600 të zhdukurit?". Veteranët kërkojnë edhe dorëheqjen e Mimoza Kusari-Lilës pas audio-incizimeve ku dëgjohet duke u koordinuar me Listën Serbe për Ligjin për pagën minimale që lë jashtë veteranët. DEK Avni Ajeti – ish-ushtar i UÇK-së Kjo qeveri e kjo shumicë me direktiva e koordinime me Milan Radojiçiqin i la jashtë pagës minimale veteranët e luftës së UÇK-së. Nga këtu del edhe kërkesa për Presidenten e Republikës së Kosovës. DEK Avni Ajeti – ish-ushtar i UÇK-së I bëjmë thirrje Presidentes së Republikës së Kosovës, znj. Vjosa Osmani mos e dekretoni ligjin që i përbuzë veteranët e luftës, përndryshe do të përballeni me neve me protesta të vazhdueshme E familjarët e dëshmorëve ndihen të fyer me qëndrimin që qeveria mbanë karshi tyre. DEK Bajram Çerkini – kryetar i shoqatës “Zëri i prindërve” E kemi gëzu një liri, që po e dëmtojnë. Kush janë ata? Janë ata që po thonë se veteranët nuk e meritojnë një pagë normale. DEK Dominik Pashtriku – fëmijë i veteranit Për çka ka luftu babi im, me folë në këtë Kuvend Serbisht? Poshtë Qeveria. Protesta u përcoll e qetë me thirrjet kundër qeverisë së Kosovës. Ramadan Demolli ish-ushtar nuk ndihet më i përfaqësuar nga qeveria aktuale, madje është i ofenduar me trajtimin që i bëhet. DEK Ramadan Demolli ish-ushtar Nëse ky mendon që janë listat e fryera, le t’i pastron ato, e ka në dorë e jo me na diskriminu në çdo formë, mos të kisha fëmijët dhe vëllezërit jashtë, me 170 euro do jetoja vetëm pesë ditë. Tjetra, nuk ka pasë nevojë ajo zonja me bisedu për veteranët me Radojiçiqin, çka të bëjmë për veteranët përshembull. Të tjerë qytetarë e mbështesin protestën duke kërkuar largimin e Albin Kurtit nga posti i kryeministrit. Vox Hajdar Sutaj - qytetar Indinjimi i madh dhe përgjimet e shefes së grupit parlamentar më të madh në pozitë me fyrjet që ia bën Ushtrisë Çlirimtare të Kosovës. Vox Sejdi Babaj - qytetar Ai i ka futë rrënjët në qeveri dhe nuk po e sheh askënd më, s’ninë për asnjë, as për atë që ia ka dhënë votën, se veteranët i ka harru. Protesta u shpërnda e qetë me paralajmërimin edhe për të tjera nëse hasin në vesh të shurdhër edhe pse pati nga ata që u acaruan me policinë e Kosovës e cila për siguri kishte rrethuar objektin e Qeverisë së Kosovës. Numri i policisë përreth objektit të Qeverisë dhe Kuvendit ishte tejet i lartë gjatë kohës së protestës.