Me rastin e festës së Pashkës, Bashkia e Tiranës shtroi një drekë për familjet dhe njerëzit në nevojë, frekuentues te qendrës sociale “Të qëndrojmë së bashku” në Kombinat. Pasi shërbeu drekën për të pranishmit, kryebashkiaku Erion Veliaj tha se është i lumtur që ambienti i ri i qendrës sociale ofron shërbimet dhe kushtet e duhura për këdo që ka nevojë. Ai shtoi se zemra e qytetit është pikërisht aty ku janë njerëzit.