Bateristi legjendar u grupit të famshëm të rokut, Rolling Stones, Charlie Watts ka ndërruar jetë në moshën 80 vjecare. Një zëdhënës i familjes tha se muzikanti i talentuar vdiq në paqe në një spital të Londrës i rrethuar nga familja e tij, ndërsa nuk i bëri të ditura shkaqet e vdekjes. Në fillim të muajit, Rolling Stones patën njoftuar se bateristi nuk do të bashkohej me grupin për fillimin e turneut të riplanifikuar "No Filter" në SHBA për arsye shëndetësore. Turneu është planifikuar të nisë më 26 shtator por ende nuk ka informacione nëse ai do të mbahet sipas planit. Ndryshe nga sa mund të pritej nga një yll roku, Watts pati një jetë mjaft të rregullt familjare. Ikona e muzikës ishte i martuar për 57 vjet me Shirley Ann Shephard. Të dy ata u njohën pak përpara se Rolling Stones të kapnin majat e famës. Dyshja lidhi kurorë në 1964-tën, e që prej atëherë nuk u ndanë më. Sic rrëfente dikur vetë bateristi, sekreti i kësaj lumturie ishte fakti që ai nuk sillej si një yll roku, dhe nuk i kishte interesuar ndonjëherë që të binte në sy.