Trupat amerikane në bazat bërthamore në Europë kanë përdorur aplikacione të aksesueshme online me qëllimin te memorizonin protokollet e gjata dhe komplekse të sigurisë. Lajmin e beri publik website-i investigativ Bellingcat. Personeli ushtarak sipas saj, i është drejtuar faqeve si Quizlet, Chegg Prep dhe Cram për memorizimin e kodeve, zhargonit e madhe edhe statusin e materialeve nukleare. Ndërsa qeveritë europiane në përgjithësi refuzojnë të konfirmojnë ose edhe t`i mohojnë vendet specifike të armëve bërthamore të SHBA që ruhen brenda kufijve të tyre, dokumente, foto dhe komente që kanë rrjedhur në media shpesh e kanë treguar praninë e armëve të tilla. Megjithatë, informacionet e fundit mbërrijnë deri aty sa të identifikojnë numrin e saktë dhe vendndodhjen e armëve brenda bazave, duke përfshirë edhe të dhëna mbi vendin e ruajtjes së tyre si "të nxehtë" – që nënkuptonte municione të vërteta, apo "të ftohtë". Ushtarët nuk e kanë kuptuar se informacionet tejet konfidenciale në këtë mënyrë mund të përfundonin në internet. Kartat flash që i nxorren ata zbuluar, përmbanin të dhëna sekrete mbi disa baza në Gjermani, Holandë e Turqi. Njëra prej tyre që titullohej “Studimi”, zbulonte numrin e municioneve të vërteta e atyre të manovrës në bazën ajrore Volkel, që qeveria holandeze e konsideron sekret.