Nuk ndalet tkurrja e popullsisë në vend. Të dhënat e Instat tregojnë se numri i popullsisë ka zbritur në 2. 79 milionë banorë, mbi 36 mijë më pak se një vit më parë duke përkeqësuar më tej treguesit demografikë të vendit. Pamundësitë ekonomike dhe dëshira për një jetë më të mirë kanë bërë që mbi 42 mijë persona të braktisin vendin vitin e kaluar, gati dyfish më shumë se në vitin 2020, shifra mjaft shqetësuese për Shqipërinë që është zyrtarisht në krizë demografike.