Trupat e 108 banorëve të fshatit Kosinë, të Përmetit, që humbën jetën gjatë luftës italio-greke dhe që ishin e zhvarrosur në vitin 2006 në Greqi, janë rivarrosur sot në një ceremoni pa praninë e medieve. Pas analizave të ADN që janë kryer në Greqi, ka dalë se rreth 108 trupat e zhvarrosur nuk kanë qenë ushtarë grekë të rënë në Shqipëri, por banorë të fshatit Kosinë të Përmetit, gra dhe fëmijë. Kur trupat e tyre u zhvarrosën në Kishën e Shën Mërisë, pati reagime të shumta në fshatin Kosinë dhe u trajtua si skandal pasi, trupat u zhvarrosën në mënyrë të paligjshme dhe për një shpërblim prej 100 eurosh. 6 persona u morën në pyetje në atë kohë, ndërsa prifti i Kishës refuzoi. Sot, në fshatin Kosinë kanë qenë Konsulli grek në Gjirokastër, Drejtoresha e Prefekturave të Shqipërisë, Prefekti i Gjirokastrës, Kryetarja e Bashkisë dhe zyrtarë të lartë nga Ministria e Mbrojtjes.