Ajo që duhej të ishte një e dielë pushimi për 23-vjeçarin shqiptar Klajdi Bitri u kthye në një tragjedi. I riu, I cili punonte në Itali, ndodhej në plazh së bashku me një mikun e tij, por u vra teksa mbronte këtë të fundit që po konfliktohej me një person tjetër. Klajdi Bitri u qëllua në gjoks me shtizë peshkimi nga një 30-vjeçar algjerian. Ngjarja e rëndë ndodhi rreth orës 17:00 të së dielës në Sirolo. Sipas mediave italiane, shkak për vrasjen dyshohet se u bë një konflikt për bllokimin e trafikut. 30-vjeçari algjerian fillimisht doli nga makina dhe sulmoi shokun e Klajdi Bitrit me argumentin se nuk po I jepte përparësi. Më pas ai u kthye në makinën e tij mori shtizën e peshkimit dhe qëlloi të riun shqiptar që po përpiqej të shuante sherrin. Si pasojë 23-vjeçari shqiptar ndërroi jetë në vend ndërsa autori u largua me shpejtësi nga vendngjarja me një makinë të errët. Vrasësi u kap pas 5 orësh nga policia që I gjeti në mjet dhe shtizën me të cilën kreu krimin.