Vetëm një ditë pasi u njoftua se Donald Trump po përgatitet të jetë më aktiv teksa aleatët e tij duan ta shohin të kandidojë sërish për Shtëpinë e Bardhë, zyra e Prokurorit të Përgjithshëm në Nju Jork njoftoi se po e heton Organizatën Trump “në cilësi kriminale”. Fabien Levy , zëdhënës i prokurores Letitia James njoftoi se hetimet në kompaninë e pronave të ish-presidentit amerikan, Donald Trump, “nuk janë më thjesht civile”. Prokurorja ne fjalë ka qenë duke shqyrtuar marrëdhëniet financiare të Trumpit edhe para se ai të merrte detyrën e presidentit, në janar të vitit 2017. republikani mohon të ketë bërë ndonjë shkelje dhe i cilëson këto hetime si një “ hakmarrje politike”. Levy tha se e kanë informuar Organizatën Trump se hetimet nuk janë më thjesht të natyrës civile, por nuk sqaroi se cili ishte elementi që i shndërroi këto hetime nga civile në penale, e nëse vetë Trump është personalisht i përfshirë në ndonjë akuzë. Rastet civile zakonisht kanë të bëjnë me dëmtimet e individëve dhe palëve private, përfshirë bizneset, ndërsa ligji penal zbatohet në rastet kur dëmi mendohet se prek shoqërinë në përgjithësi, përfshirë shtetin. hetimet civile, James i nisi marsin e 2019-tës me pretendimet se Trump ka fryrë vlerën e aseteve të tij në banka kur ka kërkuar kredi dhe i ka zhvlerësuar ato për të ulur taksat e tij.