Top Channel/ Tritol në derën e shtëpisë. I vendoset familjes në Lushnje. Dyshohet për pazare droge

Një sasi e konsiderueshme lëndë plasëse e dyshuar tritol ka shpërthyer gjatë natës në lagjen “Gafurr Muço” në Lushnje. Lënda plasëse ka shpërthyer në derën e banesës në pronësi të Besnik Cokut. Si pasojë e këtij shpërthimi është dëmtuar dera kryesore si dhe orenditë shtëpiake. Në këtë banesë jeton nëna e Besnikut, vëllai me nusen dhe mbesa. Sipas vëllait të Besnikut, nuk e dinë pse ka ndodhur ngjarja. Vec banesës së Besnikut, dëmtime kanë marrë dhe banesat e tjera ku fqinjët tregojnë se janë tronditur. Burime i thanë Top Channel se vëllezërit Coku njihen si persona të konsumit dhe shpërndarjes së lëndëve narkotike dhe vjedhjeve. Ata janë arrestuar disa herë dhe janë dënuar për këto vepra penale.