Banka Shqiptare e zhvillimit është tashmë një subjekt në qendrën kombëtare të biznesit e regjistruar si një shoqëri aksionere me kapital 100% shtetëror në ngarkim të Ministrisë së Financave. Ky hap shënon themelimin e saj zyrtar dhe zyrtar dhe marrjen e statusit aktiv që nga data 16 dhjetor deri pa afat. Banka e Zhvillimit do të ushtrojë veprimtarinë e saj si një institucion kredihënës për ndërmarrjet e vogla dhe të mesme, si dhe startup-et vendase për të nxitur rritjen, produktivitetin, konkurrueshmërinë dhe zgjerimin në tregjet ndërkombëtare, kredidhënie dhe mbështetje për eksportet e mallrave dhe shërbimeve vendase si dhe kredi ehde nëse kërkohet nga isntitucioent qendrore apo vendore. Ndërsa një rol kryesor pritet të luajë edhe për sektorin bujqësor. Banka Shqiptare e Zhvillimit ka në sistem administrimi prej 2 nivelesh, niveli i parë është Administratori dhe i dytë, Këshilli Mbikëqyrës. Administratori i saj do të jetë italiani Silvio Pedrazzi, ish drejtues i një prej bankave me kapital të huaj në vend. Pedrazzi është emëruar për një mandat 3-vjeçar, mandat që ka nisur me 16 dhjetor 2025 dhe përfundon me 16 dhjetor 2028. Në ushtrimin e veprimtarisë së saj, ndër të tjera, Banka do të ketë mundësinë të akordojë kredi për persona juridikë të tretë, lëshojë garanci financiare, blejë obligacione te korporatave; marrë pjesë në instrumente financiare të kapitalit dhe instrumente të tjera të ngjashme, vendosë depozita afatshkurtra dhe afatmesme në banka tregtare dhe të administrojë grante kombëtare në përputhje me vendimet e Këshillit të Ministrave dhe për çdo skemë tjetër grantesh.