Krijimi i një shteti sovran të Urdhrit Bektashi në Tiranë vijon të komentohet në mediat e huaja. Këtë herë është “The Economist” që i ka kushtuar një artikull krijimit të shtetit të ri Bektashi, me titull ‘Shpresat për harmoninë fetare vijnë në jetë në vatikanin mysliman’. “Kur vendosen në afërsi me njëra-tjetrën, fjalët “islamike” dhe “shtet” priren të shkaktojnë më shumë panik sesa entuziazëm. Por ka edhe një Krenari për anën liberale të Islamit, të njohur si bektashizëm, që është i përhapur në këtë cep të Ballkanit. Autoritetet kanë vendosur t’i japin Urdhrin e Shtetit, me flamur e pasaporta”. Shteti i ri bektashian u njoftua papritur nga kryeministri Edi Rama, në një intervistë për “New York Times”, muajin e kaluar. “Shumë e shohin lëvizjen bektashiane si një taktikë të Ramës, një njeri i madh, jo vetëm si një ish-basketbollist profesionist, por edhe politikisht, duke qenë se ka mbi një dekadë në pushtet me pak rivalë vendas, në një vend të vogël. Synimi megjithatë është fisnik dhe në përputhje me mënyrat dashamirëse të bektashinjve”. Në artikullin e “The Economist” thuhet gjithashtu se pasi të zgjidhen çështjet ligjore, bota do të ketë shtetin e saj të 200-të, ndoshta në fund të vitit – nëse dikush e njeh atë që është quajtur në mënyrë të pashmangshme “Vatikani mysliman”. Urdhri bektashian pretendon se ka 20 milionë ndjekës të shpërndarë në 36 vende të botës.