Ambasadori i OSBE-së në Shqipëri, Michel Tarran, deklaroi sot nga Pogradeci se OSBE-ja nuk imponon asnjë model për organizimin e administratës lokale dhe se i takon vetë Shqipërisë të vendosë për numrin e bashkive në vend. I pranishëm në mbledhjen e Këshillit Vendor të Sigurisë Publike në Pogradec ku fokusi kryesor ishte siguria në institucionet arsimore, diplomati komentoi ecurinë e reformës territoriale. Ai nënvizoi se çdo shtet ka historinë, traditat dhe nevojat e veta specifike ndërsa theksoi se vendimmarrja është ende në fazat e saj fillestare dhe se gjithë përfshirja mbetet kyçe. Unë jam përfaqësues i OSBE dhe në OSBE kemi 57 vende pjesëmarrëse me sisteme shumë të ndryshme. Unë vij nga një vend që për këtë çështje ka një situatë shumë të veçantë. Deri tani kemi 35 mijë komuna/bashki në Francë. Ka vende të tjerë ku ka disa dhjetëra bashki. Nuk ka një model që ne imponojmë e konsiderojmë si më i mirë. Çdo vend ka historinë e vet, çdo vend ka traditat e veta, çdo vend ka nevojat e veta. Dhe sigurisht është puna e vendit e Shqipërisë që të vendosë si duhet të organizohet administrata territoriale me 61 bashki siç është rasti tani ose me 100,40 apo 3000 nuk është puna ime që do t'ju tregoj si duhet të organizohet administrata lokale.