Donald Trump iu përgjigj me një tarifë të re globale prej 10% vendimit të Gjykatës Supreme të cilin e quajti “të tmerrshëm” , ndërsa gjyqtarët që hodhën poshtë politikën e tij tregtare i cilësoi si “budallenj”. Planin e tij të ri, presidenti amerikane e shpalli menjëherë pasi gjykata e cilësoi të paligjshme shumicën e tarifave globale që Shtëpia e Bardhë kishte njoftuar vitin e kaluar. Në një vendim të marrë me votat pro të gjashtë anëtarëve kundrejt 3 votave kundër, u arrit në në përfundimin se presidenti i kishte tejkaluar kompetencat e tij. Vendimi i Supremes u pa si një fitore e madhe për bizneset dhe shtetet amerikane që kishin kundërshtuar detyrimet, duke hapur rrugën për potencialisht miliarda dollarë rimbursime tarifash, ndërkohë që solli edhe pasiguri të re në peizazhin global të tregtisë. Duke folur nga Shtëpia e Bardhë, Trump la të kuptohej se rimbursimet nuk do të vinin pa një betejë ligjore, duke thënë se ai priste që çështja të zvarritej në gjykata për vite me radhë. Ai gjithashtu u shpreh se do të shohë mundësi të tjera ligjore për të vazhduar me tarifat e tij, për të cilat insistoi se nxisin investimet dhe prodhimin në SHBA.