Të paktën katër persona, përfshirë një oficer policie, u vranë pasi një person i armatosur hyri në një qiellgërvishtëse në qendër të Manhattanit dhe hapi zjarr në mes të ditës. Policët lokalë konfirmuan se agresori ka qëlluar veten pas sulmit duke e cuar në 5 bilancin e viktimave të kësaj ngjarje. Kryebashkiaku Eric Adams sqaroi se kamerat e sigurisë kishin mundur të fiksonin një person të armatosur teksa la një BMË të zezë, ndërsa në duarmbante një pushkë M-4 dhe hapi fillimisht zjarr ndaj një oficeri policie përpara se të hynte në ndërtesë. Oficeri i policisë që humbi jetën ishte një 36 vjecar me origjinë nga Bangladeshi. Po ashtu mes viktimave janë dy burra të tjerë dhe një grua, ndërsa një tjetër burrë është në gjende kritike për jetën. Sulmi i rëndë ndodhi në një bllok zyrash në Park Avenue, një zonë e njohur për turistët por edhe për njerëzit e biznesit. Agresori qëlloi brenda ndërtesës ku ndodhen gjiganti i fondeve të mbrojtjes Blackstone, dhe Liga Kombëtare e Futbollit. Autori u identifikua si si Shane Tamura nga Las Vegasi. Pas sulmit nga kontrolli në automjetin e tij u gjetën, jë revolver, municione dhe karikatorë. Sipas policisë Tamura vuante nga probleme të shëndetit mendor. Gjatë këtij viti në Shtetet e Bashkuara ka pasur 254 raste të shtënash masive, përfshirë incidentin e së hënës në Nju Jork.