Rreth 150 biznese kryesisht nga Durrësi dhe Tirana paraqitën ofertat e tyre në “Panairin e Punës dhe të Karrierës”, që u organizua për herë të parë në universitetin “Aleksandër Moisiu” të Durrësit. Në përgjigje të një tregu pune shumë dinamik dhe nevojës së studentëve për t’u orientuar drejt tij dhe lidhur kontratat e para, Fakulteti i Biznesit ndërmori këtë nisëm që u mirëprit nga bizneset dhe studentët. “Shumë të vlefshëm e gjeta, këtë panair pasi po më mundëson një vend pune”, thotë kjo studente që sapo ka nënshkruar një kontratë 6-mujore me një nga filialet e bankave në vend.