Pas takimit me kryeministrin Starmer, presidenti ukrainas Volodymir Zelensky do tw takohet Mbretin Charles gjatë vizitës së tij në Mbretërinë e Bashkuar. Zëdhënësi i Zelenksyt, i cili konfirmoi konfirmoi lajmin për Afp, tha se ai do tw takohet me mbretin Charles dhe një grup aleatësh evropianë të dielën. Pas takimit, Keir Starmer përsëriti mbështetjen e Mbretërisë së Bashkuar për Ukrainën, duke theksuar se “ne qëndrojmë pranë Ukrainës për aq kohë sa duhet”. Ai gjithashtu theksoi “vendosmërinë e palëkundur” të të gjithë partnerëve për të arritur paqen e qëndrueshme. Volodymyr Zelensky nga ana tjetër e falënderoi për mbështetjen e tij, ndërsa falënderoi edhe mbretin Charles që pranoi takimin e nesërm me të. Udhëheqësit evropianë pritet të mblidhen për një takim të nivelit të lartë në Londër të dielën, ku do të diskutohet mbi një plan paqeje për Ukrainën. Takimi pason shkëmbimet e nxehta mes Presidentit ukrainas Zelenskyy dhe Presidentit të Shteteve të Bashkuara, Donald Trump, në Shtëpinë e Bardhë lidhur me luftën kundër Rusisë dhe me paralajmërimin e Presidentit amerikan se Shtetet e Bashkuara mund të tërheqin mbështetjen për Ukrainën.