Nga 7 qershori, Spanja hap dyert për të gjithë udhëtarët e vaksinuar që duan ta vizitojnë këtë shtet. Njoftimin e bëri kryeministri Pedro Sanchez, në mesin e përpjekjeve që po bëjnë autoritetet spanjolle për ringjallur industrinë e turizmit. “Nga 7 qershori, të gjithë personat e vaksinuar dhe familjet e tyre do të mirëpriten në vendin tonë pavarësisht vendit të origjinës”, pohoi Sanchez në një panair ndërkombëtar të turizmit në Madrid. ai tha po ashtu se udhëtarët nga Britania e Madhe mund ta vizitojnë Spanjën për pushime nga java tjetër. Të dhënat zyrtare tregojnë se në 2019-tën, Spanja e konsideruar si vendi i dytë më popullor për turistët pas Francës, regjistroi 83.5 milionë vizitorë të huaj. Në 2020-tën, kjo shifër pësoi një rënie drastike me 77 për qind, për shkak të pandemisë së koronavirusit dhe kufizimeve të marra prej saj. Këtë vit, Spanja përgatitet të presë gati 45 milionë turistë të huaj. Turizmi ishte në mbarë botën një prej sektorëve më të prekur nga Covid 19, me një rënie të lëvizjes së turistëve që sipas Organizatës Botërorëe të Turizmit, shkoi deri në 74 për qind vitin e kaluar. Pamjet: AFP