Dolly Parton mbylli sytë përgjithmonë. Ikona e kulturës amerikane dhe një prej figurave më të mëdha të muzikës country ndërroi jetë në moshën 80-vjeçare. Lajmin e trishtë e konfirmoi familja e saj përmes një videoje të publikuar në Instagram. E lindur më 19 janar 1946 në Tennessee, Parton u rrit në një familje me 12 fëmijë dhe në kushte të vështira ekonomike. Karriera e saj mori hov në vitin 1967, ku publikoi albumin e parë solo, ndërsa më pas realizoi dhjetëra albume të tjera. Albumi "Rockstar", i publikuar në vitin 2023, u rendit në vendin e tretë të klasifikimit Billboard 200 dhe u bë albumi i saj solo me suksesin më të madh në klasifikime. Parton ishte artistja e parë që arriti dy herë në vendin e parë të klasifikimeve country me të njëjtën këngë, "I Will Always Love You", fillimisht në vitin 1974 dhe më pas në 1982. Kënga u bë edhe një hit botëror në interpretimin e Whitney Houston në vitin 1992. Gjatë karrierës së saj fitoi dhjetëra çmime, mes tyre Grammy, si dhe u dekorua me National Medal of Arts, vlerësimi më i lartë amerikan në fushën e artit.