Në pamjet dramatike të publikuara sot nga Roja Bregdetare Italiane, shihej operacioni i shpëtimit të 125 emigrantëve të bllokuar në ishullin e Lepujve, pranë Lampedusa. Autoritetet thanë se pas përmbysjes së barkës nga deti i keq, emigrantët u shpëtuan nga ishulli i vogël shkëmbor dhe u dërguan në Lampedusa. 125 emigrantët, mes të cilëve 49 gra e 20 të mitur, ishin në gjendje të shokuar kur u gjetën nga roja bregdetare. Ishulli i Lepujve është pranë një prej plazheve më të njohura të Lampedusa, që tërheq çdo vit shumë turistë prej ujërave të kristalta. Autoritetet thanë se operacioni i shpëtimit u vështirësua nga deti i ashpër dhe shkëmbinjtë e thepisur. Trupat e rojës bregdetare ishin hedhur në ujë pranë vendit ku emigrantët ishin grumbulluar për t’ju dërguar jelekët e shpëtimit dhe mjet të vogël lundrimi. Drejtuesi i mjetit dhe anëtarët e barkave të shpëtimit u thërrisnin emigrantëve të ngjiteshin në të, në grupe prej tre vetësh.