Aktori, regjisori dhe aktivisti politik Rob Reiner dhe bashkëshortja e tij u gjetën të vdekur në shtëpinë e tyre në Los Angeles të dielën, dhe detektivët e policisë po hetojnë rrethanat si një vrasje të dukshme, thanë zyrtarët. Ndërsa policia nuk pranoi të identifikonte publikisht dy personat që u gjetën të vdekur, kryetarja e bashkisë Karen Bass dhe Guvernatori i Kalifornisë Gavin Neësom lëshuan deklarata duke konfirmuar se Reiner, 78 vjeç, dhe gruaja e tij, Michele, 68 vjeç, kishin vdekur. "Kjo është një humbje e madhe për qytetin dhe vendin tonë. Kontributet e Rob Reiner preken në të gjithë kulturën dhe shoqërinë amerikane, dhe ai ka përmirësuar jetë të shumta përmes punës së tij krijuese dhe aktivizmit duke luftuar për drejtësi sociale dhe ekonomike", shkroi kryebashkiaku. Zëvendësshefi i Departamentit të Policisë së Los Angelesit, Alan Hamilton, të dielën në mbrëmje u tha gazetarëve se oficerët e patrullave të policisë së los angelesit ishin thirrur në shtëpi të dielën vonë dhe zbuluan dy trupa brenda banesës. Në një deklaratë të publikuar në mediat sociale, policia tha se rasti po konsiderohej si një vrasje megjithëse nuk është identifikuar asnjë i dyshuar deri më tani. Si aktor, Reiner mbahet mend më së miri për rolin e tij në komedinë televizive "All in the Family". Reiner pati një karrierë të frytshme në Hollyëood edhe si regjisor, duke drejtuar filma të njohur si "The Princess Bride", "This is Spinal Tap", "Ëhen Harry Met Sally..." etj. Gruaja e tij, Michele, dikur ishte fotografe dhe është autorja e fotos së famshme të Donald Trump që shfaqet në kopertinën e librit të tij "Trump: Arti i Marrëveshjes". Rob Reiner, me origjinë nga Neë York City dhe djali i shkrimtarit dhe aktorit të ndjerë të komedisë Carl Reiner, ishte gjithashtu i njohur për aktivizmin e tij politik. Në zgjedhjet presidenciale të vitit 2004, ai mbështeti kandidatin demokrat John Kerry dhe u shfaq në reklama që kritikonin Presidentin në detyrë George Ë. Bush. Reiner gjithashtu mbështeti kandidatët demokratë për president Al Gore dhe Hillary Clinton.