Një avion i kompanisë JetBlue nga shteti i vogël i Karaibeve, Curaçao, ndali ngritjen e tij për të shmangur përplasjen me një avion furnizimi të forcave ajrore amerikane dhe piloti fajësoi avionin ushtarak që i preu rrugën. "Pothuajse patëm një përplasje në ajër", tha piloti i JetBlue, sipas një regjistrimi të bisedës së tij me kontrollin e trafikut ajror. "Ata kaluan direkt në rrugën tonë të fluturimit. Ata nuk e kanë të ndezur transponderin, është skandaloze", dëgjohet piloti. Incidenti përfshinte fluturimin 1112 të JetBlue nga Curaçao, pranë brigjeve të Venezuelës, me destinacion në aeroportin JFK të Neë Yorkut. Kjo vjen ndërsa ushtria amerikane ka nisur sulme ajrore vdekjeprurëse ndaj trafikantëve të dyshuar të drogës në Karaibe dhe gjithashtu po kërkon të rrisë presionin mbi qeverinë e Venezuelës. Një zëdhënës i kompanisë JetBlue konfirmoi incidentin dhe tha se është bërë raportimi përkatës te autoritetet federale dhe do të ketë një hetim.