Shqiptarët harxhojnë më së shumti për të ngrënë. Instat nxjerr në pah përmes Anketës së buxhetit për vitin 2024 se në familjet shqiptare grupi “ushqime dhe pije joalkoolike” renditet i pari në piramidën e shpenzimeve, duke zënë një peshë prej gati 40% në buxhetin familjar. Perimet blihen më shpesh përgjatë një muaji. Në një vlerë mesatare të shpenzimeve për konsum ushqimor prej gati 360 euro në muaj në një njësi ekonomike familjare e përbërë mesatarisht prej 3 anëtarësh, të dhënat tregojnë se pas perimeve 18.9% e shumës shkon për mish dhe nënproduktet e tij si dhe më pas për bukë dhe drithëra me 15,4 %.Në vitin 2024, shpenzimet për “mobilim, pajisje shtëpiake dhe mirëmbajtje të banesës” u rritën me 5,7 %, krahasuar me vitin e kaluar, pasi shpenzuan kryesisht për pajisje për përgatitjen e kafesë, së cajit apo thekëse buke. Më shumë para shkuan edhe edhe për argëtim e kulturë, kjo sqarohet se erdhi kryesisht nga shpenzimet më të larta për “paketa turistike brenda dhe jashtë vendit”. Por teksa në përgjithësi grupet kanë rritje dhe fokusohen edhe për transport, veshje e këpucë; në fushën e arsimit shihet rënie krahasuar me një vit më parë, e cila mban edhe hapësirën më të vogël në shpenzimet e familjeve shqiptare me vetëm 3.3% të buxhetit. “Kjo lidhet kryesisht me të ardhurat e pakëta, pagat e ulëta, por edhe ka një mungesë interesimi apo informacioni sidomos në zonat rurale për arsimimin në përgjithësi. ata plotësojnë nevojat bazike. Por kjo është shqetësuese sepse arsimi bën të mundur zhvillimin e shoqërisë”. Të dhënat e Instat tregojnës e shqiptarët shpenzuan gjithsej për konsum rreth 70 miliradë lek në muaj. Një familje harxhon mesatarisht çdo muaj rreth 950 euro, 1.5% më shumë se vjet, ku Tirana është qarku me shpenzimet më të larta, pas tij rezulton Korca dhe Durrësi. Ndërsa më pak për konsum shpenzojnë në veri, në qarkun e Kukësit dhe Dibrës.