Mediat daneze dhe europiane raportojnë se NSA-ja amerikane ka përgjuar nga viti 2012 deri në 2014 politikanë të ndryshëm europianë, përfshirë kancelaren Angela Merkel dhe këtë e ka bërë me ndihmën e inteligjencës daneze. Duke cituar 9 burime që kishin qasje në këto të dhëna Danmarks Radio tha se sherbimi sekret i mbrojtjes kishte bashkëpunuar me Agjensinë amerikane të Sigurisë Komëbtare për mbledhjen e informacioneve. Për të kryer spiunimin amerikanët kishin përfituar nga një bashkëpunim vëzhgimi me njësinë e inteligjencës ushtarake të Danimarkës, insistoi radioja në fjalë. Sipas hetimit, NSA përdori kabllograma daneze të informacionit për të spiunuar zyrtarë të lartë në Suedi, Norvegji, Francë dhe Gjermani, e përpos Merkelit, në vëmendjen e tyre ka qenë dhe ish-ministrin e Jashtëm gjerman Frank-Walter Steinmeier. Danimarka është një aleat i ngushtë i Shteteve të Bashkuara. Në territorin e saj gjendet stacionet kryesore për kabllot e internetit nënujore, për dhe nga, Gjermania, Norvegjia, Suedia, Holanda dhe Britania e Madhe. Sipas mediumit danez, ministrja e Mbrojtjes, Trine Bramsen, e cila mori postin në qershor të vitit 2019, u informua për përgjimet gushtin e vitit të kaluar. Ajo i tha transmetuesit publik se "përgjimi sistematik i aleatëve të ngushtë është i papranueshëm", ndërsa NSA dhe Shërbimi Inteligjent i Mbrojtjes së Danimarkës nuk pranuan të komentojnë për këtë çështje. pas këtij lajmi ish-punonjësi i shërbimit të fshehtë të Shteteve të Bashkuara, Edëard Snoëden, e akuzoi shefin e Shtëpisë së Bardhë Joe Biden se është thellësisht i përfshirë në këtë skandal; ai ishte zv/president në kohën kur mendohet se ndodhën përgjimet