SHBA-të kanë vendosur armë në hapësirë. Këtë e ka konfirmuar ushtria amerikane, në një njoftim të jashtëzakonshëm publik, për të cilin analistët paralajmërojnë se do të përshpejtojë një garë armatimesh me rrezik të lartë me Rusinë dhe Kinën në orbitën e Tokës. Sekretari amerikan i forcave ajrore, Troy Meink, tha se Uashingtoni kishte armë aktive “në orbitë”, që do të thotë se ato ishin vendosur dhe po qarkullonin në të gjithë globin, raporton “the guardian”. "Kontrolli i hapësirës përfshin zonat e misionit të nevojshme për të kundërshtuar dhe kontrolluar dominimin e hapësirës , duke përdorur mjete kinetike dhe jo-kinetike për të ndikuar në aftësitë e kundërshtarit", thuhet në deklaratë, duke shtuar se "aftësi të tilla mund të përdoren si për qëllime sulmuese ashtu edhe për mbrojtje". Si Rusia ashtu edhe Kina , dy rivalët kryesorë gjeopolitikë të Shteteve të Bashkuara, paraqesin kërcënime të mundshme për interesat e SHBA-së në hapësirë. Sipas Forcës Hapësinore Amerikane, Kina "zhvillon dhe operon aftësi hapësinore dhe kundër-hapësinore si pjesë e një strategjie modernizimi ushtarak", ndërsa Rusia "e sheh hapësirën si një fushë lufte dhe beson se supremacia hapësinore do të jetë një faktor vendimtar në konfliktet e ardhshme".