“Saktësoni kufirin e Butrinit”, shtyhet për në vitin 2025 vendimi për liqenin e Ohrit Në kryeqytetin e Indisë, Nju Delhi u mbodh këtë të enjte, komiteti i Trashëgimisë Botërore të UNESCO-s, i cili miratoi vendimet për Qendrat e Trashëgimisë Botërore shqiptare, Butrintin, Beratin dhe Gjirokastrën, ndërsa shtyu për vitin tjetër vendimin për ta shpallur apo jo pjesë të trashëgimisë botërore edhe zonën kufitare me Shqipërisë dhe Maqedonase së Veriut, atë të Liqenit të Ohrit. Në vendimin e marrë për për Butrintin UNESCO u kërkon autoriteteve shqiptare të dorëzojnë një hartë të kufijve të pronës së kësaj trashëgimie, pasi u ndryshuan dy vite më parë nga qeveria shqiptare, pa dijeninë dhe pa miratimin e UNESCO-s. Në vendimin e zbardhur nga Zëri i Amerikës, Unesco e cilësonm këtë si cështje prioritare, duke theksuar se është në pritje të një harte të qartë dhe të saktë që tregon kufirin e pronës së Trashëgimisë Botërore. Në vendimin për Butrintin, UNESCO i kërkon ndër të tjera Shqipërisë që t'i paraqesë Qendrës së Trashëgimisë Botërore, deri më 1 shkurt të vitit 2025, një raport të përditësuar mbi gjendjen e ruajtjes së pronës dhe zbatimin vendimit duke përfshirë një plan veprimi të detajuar me një afat kohor edhe për zbatimin e rekomandimeve të misioni të vitit 2022, për shqyrtim nga Komiteti i Trashëgimisë Botërore në sesionin e tij të 47-të. Ndërkohë, në vendimin për Gjirokastrën dhe Beratin, UNESCO thotë se “Shqipëria duhet të përditësojë Planin e Menaxhimit si një çështje me përparësi duke marrë parasysh komentet dhe rekomandimet e bëra tashmë nga Organet Këshillimore dhe duke përfshirë në mënyrë aktive autoritetet vendore të Beratit dhe Gjirokastrës”. Pamjet: AFP