Disa persona janë sëmurë pasi hapën një "pako të dyshimtë" të dorëzuar në bazën e operacioneve për Air Force One. Një zëdhënës i Bazës Andreës në Maryland, pranë kryeqytetit amerikan, Ëashington DC, tha se godina ku u hap paketa u evakuua dhe personat e sëmurë janë në gjendje të qëndrueshme pas ekzaminimit nga stafi mjekësor. Pakoja përmbante një pluhur të bardhë të paidentifikuar, raporton CNN, duke cituar burime të paidentifikuara të njohura me një hetim për incidentin. Baza ajrore Andreës mban avionin presidencial amerikan dhe mjetin e tij mbështetës, dhe është vendi nga ku presidenti zakonisht niset në udhëtime. Zëdhënësi i bazës tha se ndërtesa në të cilën u hap paketa dhe një ndërtesë lidhëse u evakuuan "si masë paraprake" dhe një kordon sigurie u vendos rreth zonës. "Ekipet e ndihmës së parë u dërguan në vendngjarje dhe përcaktuan se nuk kishte kërcënime të menjëhershme dhe operacionet normale kanë rinisur. Një hetim është duke vazhduar aktualisht", tha zëdhënësi. Testet fillestare nga një ekip me veshje Hazmat nuk zbuluan asgjë të rrezikshme, sipas CNN. Nuk është e qartë ndërkohë shkalla ose natyra e sëmundjes që preku ata që ishin pranë pakos kur ajo u hap.