Rusia ka kapacitet për një sulm të kufizuar kundër territorit të NATO-s në çdo kohë, por një vendim për të vepruar do të varet nga qëndrimi i aleatëve perëndimorë, paralajmëroi një zyrtar i lartë ushtarak gjerman. "Nëse shikoni aftësitë aktuale dhe fuqinë luftarake të Rusisë, ajo mund të nisë një sulm në shkallë të vogël kundër territorit të NATO-s që nesër," tha gjenerallejtënant Alexander Sollfrank për agjencinë e lajmeve Reuters. Solfrank, i cili kryeson komandën e operacioneve të përbashkëta të Gjermanisë dhe mbikëqyr planifikimin e mbrojtjes të vendit, gjithashtu i bëri jehonë paralajmërimeve të NATO-s se Rusia mund të nisë një sulm në shkallë të gjerë ndaj aleancës me 32 anëtarë që në vitin 2029 nëse përpjekjet e saj për armatim vazhdojnë. Presidenti Vladimir Putin mohon qëllimet agresive, duke thënë se pushtimi i plotë i Ukrainës nga Moska në 2022 ishte vetëm mbrojtje kundër ambicieve ekspansioniste të vetë NATO-s kundër Rusisë.