Rritje ekonomike në Shqipëri por pa bujqësi e industri. Është kjo pasqyra e ekonomisë së vendit tonë në tremujorin e dytë të vitit teksa prodhimi I brendshëm bruto arriti në 3.51% sipas të dhënave të raportuara nga Instituti I Statistikave. Është administrata me rritjen e pagave e cila po udhëheq këtë tregues duke ndikuar me 1.65% ose thënë ndryshe sa gjysma e rritjes ekonomike. Ku për të nëjtjën periudhë kohore, paga mesatare në administratë arriti në rreth 100 mijë lekë e rritur me pothuajse 16%. Ndonëse më pak turistë e kanë vizituar Shqipërinë se një vit më parë, turizmi vijon të jetë një ndër treguesit kryesor që ndikon në rritjen ekonomike, pas pagave, kontributi i turizmit arriti sa 0.47% e PBB në periudhën prill- qershor. Ndërsa të tretët qëndrojnë aktivitetet e pasurive të paluajtshme dhe ndërtimi. Ndërsa sektorët prodhues në vend vijuan rënien disa vjeçare. Më i thelluar ky raport vërehet tek bujqësia e cila ndikoi negativish në PBB -0.46 %,. Ndërsa industria - 0.18%. Nga ana tjetër konsumi final I popullatës arriti në 3.88% ndërsa ai I qeverisë 12.44%.