Sali Berisha në fjalimet e përnatshme nga ballkoni i banesës së tij sulmon jo pak herë SPAK, të cilin e ka pagëzuar si SKAP-i i partisë. Por, grupi parlamentar ka vendosur te ndjekë një linjë tjetër nga lideri i izoluar duke i besuar prokurorisë së posaçme zgjedhjet. Demokratët kërkojnë ngritjen e nje Taks Force që drejtohet nga SPAK për ndalimin e përdorimit te aseteve shteterore ne proceset elektorale. Ky mekanizem do të verifikojë edhe akuzat apo pretendimet për shitblerje votash dhe keqperdorimin e të dhënave personale për qëllime elektorale. Demokratë të parashikojnë që kjo strukture te mos funksionojë me periudhe te kufizuar, por ne menyre te perhërshme. Kjo Task forcë që do drejtohet nga SPAK do kete ne përbërje përfaqësues të prokurorisë së posaçme, dhe asaj së përgjithshme, përfaqësues të KQZ dhe të agjencive të tjera ligjzbatuese. Demokratët ngrenë dyshime mbi besueshmërine e votimit dhe numerimit elektronik duke pretenduar parregullsi ne pilotimet e teknologjise që nga parlamentaret e 2021. Ata propozojne rikonceptim ne menyren e zbatimit te teknologjise ne zgjedhje ne menyre qe ajo te shtrihet ne gjithe vendin ose te hiqet dorë perfundimisht. Sa i përket votës së diasporës opozita do kërkojë në tryezën e dialogut ngritjen e një mekanizmi te thjeshte për regjistrimin e tyre që shmang kontrollin e qeverisë në këte proces. Në qëndrimin për reformën, Rithemelimi le të hapur mundësinë për të ndryshuar ligjin per financimin e partive politike, përmes rritjes se sanksioneve ndaj subjekteve që marrin financime te dyshimta vecanerisht te huaja. Në tryezën e dialogut demokratët që ndjekin linjën e Berishës nuk do heqin dore kërkesa për rikthim te koalicioneve me listë te përbërë ku cdo parti te garojë me siglen e vet dhe hapje te listave, qëndrim ky që kërkon ndërhyrje në Kushtetute.