Elbasani ishte ndalesa e 11-të e bashkëbisedimit me gjimnazistët, të cilët si probleme kryesore renditën një këshillim karriere jo efikas dhe mungesën e laboratorëve. Kryeministri Edi Rama tregoi planet e qeverisë për një riorganizim të gjithë sistemit të shkollave të mesme. Edi Rama: Dua t’ju them që e kemi adresuar që tani me buxhetin 2022 për të adresuar këtë problem, sepse laboratorët dalin që janë në dispozicion në letër por në shumë raste janë të pajisur në mënyrë shumë modeste, dhe kështu atëherë edhe mësimi nuk e ka atë impakt që mund të kishte. Në buxhet tha kryeministri janë parashikuar fonde edhe për programet e arteve dhe sportit. Edi Rama: Deri përpara disa vitesh edukimi fizik ishte heq komplet nga shkollat, tani është rikthyer por gjithësesi është në nivel bazik që nuk vazhdon dhe nuk ka hapësira për ata që janë të prirur të ecin më para, dhe ky është një objektiv tjetër i joni.