Stabiliteti rajonal është “me rëndësi të madhe për Serbinë” tha Aleksandër Vuçiç duke iu referuar situatës në Bosnjë dhe Hercegovinë ndërsa përmendi Marrëveshjen e Dejtonit si garantuese. Pakt ky që nënshkrua para 30 vjetësh “Veprimet njëanshme dhe keqpërdorimi i autoritetit, në kundërshtim me marrëveshjen, nuk kontribuojnë në paqe dhe sjellin tensione të reja”, deklaroi udhëheqësi serb. Ai shtoi se Serbia “do të përdorë të gjitha mjetet diplomatike” për të parandaluar veprimet njëanshme në Bosnjë dhe Hercegovinë. Gjithashtu, theksoi se “prej 30 vjetësh”, në Kombet e Bashkuara dhe kudo tjetër, “po zhvillohet një fushatë e rreme kundër Serbisë dhe Republikës Srpska, entitetit në Bosnje e Hercegovinë, shkruan Radio Evropa e Lirë. “Në të gjithë botën, pafundësisht mund të keni dëgjuar, siç do të thoshin ‘nga burime të mirinformuara’, se ishte çështje kohe kur Serbia do të sulmonte dikë në rajon dhe se Republika Sërpska dhe udhëheqja e saj do të cenonin integritetin territorial të Bosnjës”, tha Vuçiç, duke shtuar se “gjithë këtë kohë, kjo ka qenë një gënjeshtër”.