Ndërprerja e Parlamentit tre herë gjatë ditës së enjte paradite, nuk e kanë penguar mazhorancën që pasdite të sigurojë 84 votat e nevojshme për të votuar dy ligje që kërkonin shumicë të cilësuar. Kryeministri Rama u kthye nga Roma për të qenë i pranishëm në seancë, ndërkohë që mungonte Belinda Balluku si dhe deputetja e larguar tashmë nga PS-ja, Marjana Koçeku. Në ndihmë socialistëve këtë herë i erdhën edhe tre deputetët e PSD-së, teksa opozita nuk ishte e pranishme në seancë. Dy deputetët e partisë Mundësia, Agron Shehaj dhe Erald Kapri, megjithëse të pranishëm në seancë nuk morën pjesë në votim. Projektligji “Për dhënie amnistie”. Votimi: 84 vota pro; 0 abstenim; 0 kundër Projektligji “Për disa ndryshime dhe shtesa në ligjin nr.8378, datë 22.07.1998, “Kodi Rrugor i Republikës së Shqipërisë”, të ndryshuar”. Votimi: 84 vota pro; 0 abstenim; 0 kundër Projektligji “Për disa shtesa në ligjin nr. 8378, datë 22.07.1998, “Kodi Rrugor i Republikës së Shqipërisë”, i ndryshuar”. (Propozim i Kliti Hotit) Votimi: 1 votë pro (Gaxho), o abstenim, 83 kundër Projektligji “Për disa shtesa dhe ndryshime në ligjin nr. 8378, datë 22.07.1998, “Kodi Rrugor i Republikës së Shqipërisë”, i ndryshuar”. (Propozim i Erald Kaprit) Votimi: 0 pro, 0 abstenim, 81 kundër Projektligji “Për sektorin e energjisë elektrike”. Votimi: 84 pro, 0 abstenim, 0 kundër Projektligji “Për informacionin elektronik të transportit të mallrave”. Votimi: 84 pro, 0 abstenim, 0 kundër Projektligji “Për një shtesë në ligjin nr. 7703, datë 11.05.1993 “Për sigurimet shoqërore në Republikën e Shqipërisë”, të ndryshuar”. (Nismë e Jorida Tabakut) Votimi: 0 pro, 0 abstenim, 80 kundër “Për miratimin e Planit Strategjik të Kuvendit të Shqipërisë 2026 –2030”. Votimi: 82 pro, 0 kundër, 0 abstenim Projektvendimi “Për ngritjen e Nënkomisionit për Auditimin e Sektorit Publik në përbërje të Komisionit për Ekonominë, Punësimin dhe Financat”. Votimi: 84 pro, 0 abstenim, 0 kundër Projektvendimi “Për ngritjen e Nënkomisionit për Administratën Publike në përbërje të Komisionit për Çështjet Ligjore dhe Administratën Publike”. Votimi: 75 pro, 0 abstenim, 0 kundër Projektvendimi “Për ngritjen e Nënkomisionit për Zhvillim të Qëndrueshëm në përbërje të Komisionit për Burimet Natyrore, Infrastrukturën dhe Zhvillimin e Qëndrueshëm”. Votimi: 82 pro, 0 abstenim, 0 kundër Projektvendimi “Për ngritjen e tri nënkomisioneve në përbërje të Komisionit për Bujqësinë, Ushqimin dhe Zhvillimin Rural”. Votimi: 76 pro, 0 abstenim, 0 kundër Projektvendim “Për ngritjen e Nënkomisionit për Integritetin e Informacionit Publik, Dezinformimin dhe Ndërhyrjet e Huaja në përbërje të Komisionit për të Drejtat e Njeriut dhe Mjetet e Informimit Publik”. Votimi: 81 pro, 0 abstenim, 0 kundër