Qendra ekonomike e Vietnamit, Ho Çi Min ka nisur sot një izolim dy javor për të kufizuar valën e rëndë të infektimeve nga Covid-19. Qyteti me nëntë milionë banorë kishte vendosur më herët kufizime të udhëtimeve por numri i infektimeve ka vazhduar rritjen graduale. Autoritetet vietnameze nuk përdorim termin “izolim” por i quajnë masat "urdhra izolimi social". Tashmë banorët e Ho Çi Min ndalohen të mblidhen në grupe me më shumë se dy veta në publik dhe njerëzit mund të dalin nga shtëpia vetëm për të blerë ushqim, mjekime dhe në raste emergjence. Policia ka ngritur pika kontrolli në kufijtë e qyteteve, ku mund të hyjnë vetëm ata me teste negative koronavirusi. Linjat ajrore mund të transportojnë një maksimum prej vetëm 1,700 pasagjerësh në ditë drejt kryeqytetit Hanoi, ndërsa trenat me dy qendrave kryesore të Vietnamit janë pezulluar.