I kanë quajtur “ burrat e vegjël blu të Kinës”, dhe janë një forcë detare e kontrolluar nga Pekini për të cilën analistët thonë se mund të jetë e përbërë nga qindra anije e mijëra anëtarë ekuipazhi.Kina nuk e pranon ekzistencën e tyre dhe kur merret në pyetje, i referohet thjesht si një "të ashtuquajtur milici detare". Por ekspertët perëndimorë thonë se milicia e pretenduar është në fakt pjesë integrale e përpjekjeve të Pekinit për të vënë në jetë pretendimet e tij territoriale në Detin e Kinës Jugore dhe më gjerë. Ata pretendojnë se anijet me bojë blu dhe ekuipazhet që sipas CNN, me shumë gjasë financohen e kontrollohen nga Ushtria Çlirimtare e Popullit - mund të sjellin shpejt një prani kineze kaq të madhe rreth shkëmbinjve nënujorë dhe ishujve të diskutuar, saqë do ta bëjnë të pamundur tw sfidoheshin pa shkaktuar një konflikt të mirëfilltë ushtarak. Për herë të parë, kjo milici duket se tërhoqi vëmendjen muajin e kaluar kur më shumë se 200 anije kineze u grumbulluan rreth barrierës koralore, Whitsun Reef, në Detin e Kinës Jugore. Analistët e Institutit Ndërkombëtar për Studime Strategjike në Singapor thonë se nuk kishin parë kurrë më parë një operacion të këtyrë përmasave nga ana e Kinës.