Duket se Moska dhe Uashingtoni kanë kaluar në shkëmbimin e dhuratave, pasi sipas Kremlinit, presidenti rus Vladimir Putin i ka bërë një “dhuratë shumë personale” homologut amerikan, Donald Trump. Pala ruse kërkoi të dërguarin e presidentit amerikan, Steve Witkoff, për t’i dorëzuar dhuratën. Zëdhënësi i Kremlinit, Dmitry Peskov nuk tregoi për çfarë bëhet fjalë, por sipas mediave amerikane, bëhet fjalë për një portret të Trumpit i pikturuar nga një artist i njohur rus. Kremlini nuk do të japë informacione të mëtejshme zyrtare për dhuratën, e cila ishte personale, përveç nëse Putin vendos të japë më shumë detaje vetë, tha Peskov. Pas marrjes së mandatit të dytë, Trump ka zhvilluar një bisedë telefonike me Putin, ku kanë diskutuar disa çështje. Dje, Kremlini tha se mund të planifikohet një takim allë për ballë mes dy presidentëve.