Dhjetëra mijëra njerëz u bashkuan me studentët protestues të shtunën në Serbi, në një tubim kundër padrejtësisë dhe korrupsionit. Studentët e universiteteve po mbajnë protesta mbarëkombëtare që nga shembja fatale e çatisë së një stacioni të trenit në muajin nëntor që vrau 15 njerëz dhe për të cilën kritikët fajësojnë korrupsionin qeveritar. Studentët thanë në një deklaratë se “duan institucione që punojnë në interes të të gjithë neve dhe jo në dëmin tonë dhe një sistem që vlerëson dijen dhe punën dhe jo bindjen dhe heshtjen”. Protestuesit nga i gjithë vendi u mblodhën në Nish, për të marrë pjesë në tubimin e së shtunës në stilin e një festivali. Studentët thanë se ngjarja, gjatë së cilës do të miratohet simbolikisht një dekret, është "një thirrje zgjimi për të kaluar nga apatia në veprim, nga heshtja në një luftë të zhurmshme për një të ardhme më të mirë dhe zotim për të mos hequr dorë kurrë”! Kryeministri Milosh Vuçeviç me herët dha dorëheqjen për shkak të protestave dhe ka mohuar përfshirjen në korrupsion, ndërsa prokurorët kanë akuzuar 13 persona në lidhje me shembjen e çatisë së stacionit të trenit. Por këto veprime nuk u dhanë fund protestave.