Komisioni Europian u propozoi vendeve anëtare të BE-së që t`i lehtësojnë që të gjitha gradualisht masat e udhëtimit gjatë verës. argumenti kryesor i tij ishte se fuqia e pandemisë ka rënë, ndërsa numri i personave të vaksinuar sa vjen e rritet. Për këtë arsye, dhe po bën përpjekje që të harmonizohen masat e udhëtimit të cilat do të vlenin për të gjitha vendet anëtare. Propozimi i komisionit është që personat të cilët janë vaksinuar krejtësisht të përjashtohen nga testimi apo karantina kur udhëtojnë nga një vend i bllokut në një tjetër. Komisioneri europian i drejtësisë, Didier Reinders, paraqiti detajet e këtij propozimi sipas të cilit personat që të kenë certifikatën dixhitale të COVID-19, përmes së cilës dëshmojnë se kanë marrë dozën e fundit të vaksinës, nuk duhet t`i nënshtrohen asnjë mase kufizuese. Që kjo të jetë e mundur, ata duhet ta kenë marrë dozën e fundit të vaksinës të paktën 14 ditë para udhëtimit. E njëjta gjë do të duhet të vlejë edhe për personat të cilët dëshmojnë se e kanë kaluar infektimin nga ky virus. Të miturit që udhëtojnë në shoqërinë e atyre që gëzojnë këto mundësi do të duhej të kenë të njëjtat të drejta.Për të tjerët, Komisioni Europian ka propozuar që masat të zbatohen varësisht se nga cila zonë arrijnë në BE. Për ata që mbërrijnë nga zonat e gjelbra nuk do të ketë asnjë masë kufizuese, për ata nga zonat portokalli do të kërkohet vetëm testi negativ, por jo edhe karantina, ndërsa për ata nga zonat e kuqe do të kërkohet izolim vetëm për kohën që do të jenë në pritje të rezultatit të testit.Vetëm për qytetarët që vinë nga zona “e kuqe e mbyllur”, pra ato që kanë një situatë të rëndë epidemiologjike, do të kërkohet testimi dhe karantina e plotë. Komisioni ka kërkuar që testet PCR të pranohen me një afat prej 78 orësh, ndërsa ato të shpejta të jenë të vlefshme për 48 orë.