Vendet aziatike të udhëhequra nga Singapori dominuan vendet e para në studimin që zhvillohet çdo tre vite nga PISA, ndërsa nivelet në Evropë ranë me një ritëm rekord. Anketa PISA kryhet çdo tre vjet nga Organizata për Bashkëpunim dhe Zhvillim Ekonomik (OECD) me seli në Paris për të vlerësuar aftësinë e 15-vjeçarëve për të përballuar sfidat e jetës reale. Qyteti-shtet ishullor i Azisë juglindore shënoi pikët më të larta në të tre fushat e sondazhit: matematikë, lexim dhe shkencë. Pesë sisteme të tjera arsimore aziatike -- në Macau, Tajvan, Hong Kong, Japoni dhe Korenë e Jugut -- erdhën më pas në matematikë dhe gjithashtu shënuan nivele pranë kreut në në lexim dhe shkencë. Por ndërsa Azia ia doli mirë, pjesët e tjera të botës ranë, në nivele të paprecedenta thotë raporti. . Mbylljet e Covid-19 dëmtonin standardet arsimore, tha raporti, por kishte edhe faktorë të tjerë pas rënies. Një faktor kyç është "niveli i mbështetjes së nxënësve nga mësuesit dhe stafi i shkollës", sipas analistes arsimore të OECD, Irene Hu. Disa sisteme arsimore nuk kanë dhënë burime të mjaftueshme për të mbështetur studentët, tha Eric Charbonnier, një tjetër analist arsimor i OECD. "Vendet kanë investuar në arsim gjatë 10 viteve të fundit, por ndoshta nuk kanë investuar në mënyrë efikase ose mjaftueshëm në cilësinë e mësimdhënies”. Më tej ai shtoi se është vërejtur edhe më pak përfshirje e prindërve në progresin e fëmijëve në krahasim me vitin 2018. Pamjet: AFP