Dy të akuzuar si ‘mercenarë amerikanë’ u nxorrën sot në paradë para mediave nga policia e Haitit, të dyshuar si vrasës të presidentit të vendit Jovenel Moïse. Amerikanët James Solages dhe Joseph Vincent, si dhe 15 shtetas kolumbiane janë kapur deri tani nga autoritetet vendase, për atentatin makabër të së mërkurës ndaj kreut të shtetit. Policia demonstronte gjithashtu pasaportat e të dyshuarve, armë dhe mjete të tjera të përdorura për sulmin. Solages e përshkruante veten si “agjent diplomatik i çertifikuar,” dhe politikan i ri, në një faqe interneti të krijuar në 2019 në Florida. Kreu i policisë vendase Léon Charles tha: “Të huaj kanë ardhur këtu dhe na vranë presidentin. Ishin 26 kolumbianë, të identifikuar nga pasaportat e tyre, dhe dy amerikano-haitianë. Ata do të dalin para drejtësisë”.