Një mbishkrim provokues në bluzën e djalit të Aleksandër Vuçiç duket se ka mjaftuar për të rindezur sërish tensionet Kosovë-Serbi. Djali i presidentit të Serbisë, Aleksandar Vuçiç, Danilo Vuçiç, është ndaluar nga Policia e Kosovës gjatë qëndrimit të tij në Gracanicë ku u festua Vidovdani, që ndryshe njihet si përvjetori i betejës së fushë kosovës mbajtur në vitin 1389. Mediat e Kosovës kanë shpërndarë pamje të momentit kur policia e Kosovës ka ndaluar djalin e Aleksandër Vuçiçit pasi ky i fundit kishte veshur një bluzë me mbishkrime nacionaliste në serbisht “Dorëzimi nuk është opsion”. Policia e Kosovës i ka hequr bluzën me këtë mbishkrim provokues në një moment tensionesh të larta mes dy vendeve janë shumë. Kaq ka mjaftuar që presidenti serb, Aleksandër Vuçiç të reagonte e thumbonte kryeministrin e Kosovës, Albin Kurtin. SINK VUCIC “Unë e përgëzoj Kurtin për guximin e tij. Nuk është aq trim në shoqërinë time, por le të vazhdojë. Danilo nuk është i vogël, është pak më trim se Kurti. Ka ecur në mes të Prishtinës me një bluzë “Dorëzimi është nuk është opsion” dhe shkoi në liturgji në Graçanicë, për t’u falur”. Sakaq, kryeministri i Kosovës, Albin Kurti e shfrytëzoi të mërkurën që përkonte edhe me festën e Kurban Bajramit për të vizituar vizitoi njësitet policore në veri të Kosovës, si dhe policët e rrëmbyer nga Serbia Beqir Sefa, Rifat Zeka e Shemë Mustafa, të cilët i falënderoi për qëndresë e besim. Pamjet: AFP