Top Channel/”Po nisi një raketë, Putinit do i vijnë dy”: Ish ministri rus -S`ka luftë bërthamore!

Ish-ministri i Jashtëm i Rusisë i hedh poshtë gjasat për luftë bërthamore, duke e deklaruar perspektivën një "kërcënim bosh" nga Vladimir Putin. Andrei Kozyrev, i cili shërbeu si shefi diplomacisë ruse në kohën e paardhësit të Putinit, Boris Yeltsin, tha se epoka e presidentit aktual rus do të përfundojë në "katastrofë" ,e shkaku për këtë është pikërisht lufta e Ukrainës. Putini vendosi tre javë më parë forcat bërthamore të Rusisë në gatishmëri të lartë pas të ashtuquajturës përgjigje "jomiqësore" të Perëndimit pas pushtimit të tij. Kjo ngjalli frikën se po konsideronte përdorimin e një arme bërthamore, megjithatë mjaft ekspertë mendojnsë se nuk do të shkojë deri aty. Kozyrev, duke folur për podkastin e The Economic Asks, tha se ishte dakord me ta."Është thjesht një shantazh, janë kërcënime boshe," u shpreh ai. Rusia besohet se ka 4477 koka bërthamore. Është një nga nëntë vendet që ka kapacitete të armëve bërthamore. Nga tetë të tjerët, tre janë aleatë të NATO-s - SHBA, Franca dhe Britania e Madhe - ndër të cilat ka 5,943 koka bërthamore. Kozyrev thotë se Putin nuk e ka dhënë vërtet atë urdhër. “Ai bëri gjoja sikur po e urdhëronte dicka të tillë. Po luan një lojë. Putini e di mirë se po shtypi butonin, ato nga armë strategjike kthehen në armë vetëvrasëse, sepse po dërgoi një raketë berthamore në Europë apo SHBA-ja, do t`i kthehen dy të tilla, e kësaj nuk i mbijeton askush”, shprehet Kozyrev. iosh ministri theksoi se ajo që e quan diktaturë e Putinit po shkon drejt katastrofës, madje që tani është e tillë thotë ai, Putini thjesht nuk po e kupton.