Pas Venezuelës, Shtetet e Bashkuara të Amerikës kryejnë sulm në një tjetër shtet. Me urdhër të Presidentit Donald Trump, forcat e ushtrisë amerikane sulmuan mbrëmjen e të shtunës Sirinë. Shtetet e Bashkuara dhe forcat e saj partnere kanë kryer sulme në shkallë të gjerë kundër objektivave të ISIS, në Siri, njoftoi Komanda Qendrore e SHBA. Sulmi ndaj ISIS vjen si hakmarrje ndaj sulmi vdekjeprurës të ISIS ndaj forcave amerikane në Siri, më 13 dhjetor të vitit që lamë pas. Komanda Qendrore e SHBA-së njoftoi gjithashtu se operacioni ishte pjesë e një angazhimi të vazhdueshëm të SHBA-së për të “çrrënjosur terrorizmin islamik dhe për të mbrojtur forcat amerikane dhe partnere në rajon. "Mesazhi ynë mbetet i fortë: nëse dëmtoni luftëtarët tanë, ne do t'ju gjejmë dhe do t'ju vrasim kudo në botë, pavarësisht se sa shumë përpiqeni t'i shmangeni drejtësisë", u tha në njoftimin e komandës amerikane. Forcat amerikane dhe partnere goditën mbi 35 objektiva në një operacion që përfshinte më shumë se 20 avionë, tha një zyrtar amerikan. Kujtojmë se gjatë kohëve të fundit, SHBA-të e kanë rritur angazhimin ushtarak në botë, ku pak ditë më pare kryen një operacion në Venezuelë, i cili përfundoi me kapjen e Presidentit në detyrë të vendit, Nicolas Maduros, dhe bashkëshortes së tij, të cilët po përballen me drejtësinë amerikane.