Flamurtari nuk arrin të sigurojë ngjitjen në Superligë teksa ka humbur 0-2 në Vlorë përballë Besës, duke sjellë edhe reagimin e tifozerisë pas ndeshjes. Vlonjatet shohin pikërisht Besën t’u afrohet me një pikë ndërsa gjithçka vendoset në dy javët e fundit. Gazetari i Top Channel, Mikel Marsi, raporton se gjithçka ka nisur me një atmosferë në Stadium ku të pranishëm ishin rreth 5 mijë tifozë, por në fund ka mbizotëruar zhgënjimi. Besa ka shënuar dy herë në pjesën e parë duke e ruajtur rezultatin deri në fund të takimit. Pas ndeshjes tifozët kanë shprehur zhgënjim dhe tension duke hedhur shishe në fushe dhe pastaj janë futur në fushe duke zhvilluar edhe një takim me skuadrën. Ka zhgënjim në Vlorë, ndërsa trajneri Artim Pollozhani i Flamurtarit ka shprehur zhgënjim dhe ka theksuar se tashmë duhen menduar dy ndeshjet e radhës. Zhgënjim në Vlorë, pas 90 minutave tension edhe tek tifozët, ndërsa duhen pritur 180 minuta për Superligën.