Gjatë vitit 2025, në vendin tonë u prodhuan 30.8 milionë litra pije freskuese, nga 68.8 milionë litra që u prodhuan në vitin 2024. Tkurrja e prodhimit me TAB2 55%, sipas ekspertit të ekonomisë Klodian Muço, vjen si pasojë e zvogëlimit të tregut. Fabrikat që prodhonin pije freskuese të lira kishin si konsumatorë kryesisht banorët e zonave rurale. Urbanizimi i popullsisë më pas solli edhe përgjysmimin e prodhimit. “Një pjesë e mirë e brendeve të pijeve freskuese kanë qenë marka që prodhonin kryesisht low-cost, apo për zonat rurale, ndërkohë që, në të vërtetë, kostot e prodhimit janë rritur. Ndoshta edhe klientët e tyre të zonave rurale janë tkurrur, popullsia është zvogëluar dhe, për pasojë, është ulur konsumi.” Për shumë qytetarë, prodhimi vendas jo gjithmonë përkthehet në cilësi. Për këtë arsye, shqiptarët zgjedhin të freskohen me pijet e përgatitura nga fabrikat e huaja.