Top Channel/ “PD, forca politike e të pamundurave”, Berisha: Bëmë opozitën më të fuqishme në 30…
18/01/2025 21:41

Kryetari i Partisë Demokratike, Sali Berisha ishte sot në Fier në aktivitetin e organizuar nga PD për 34 vjetorin e themelimit të kësaj partie në këtë qytet. Berisha u shpreh se PD është forca politike e të pamundurave, ndërsa shtoi se “menduan të na heshtin, por ne bëmë opozitën më të fuqishme që ka pasur Shqipëria në 34 vite”. Sakaq kryedemokrati foli për zgjedhjet e 11 majit, ku u shpreh optimist për fitore. “Pra, cilido që e konsideron veten demokrat, nuk duhet të harrojë se një vlerë themelore e kësaj partie është toleranca. Ne kemi bërë gjënë më të madhe. Do u tregoj një histori të shkurtër. Po vija nga Berati në Fier në vitin 1991 me Viktor Margilajn. Në një fshat, ishte muzg, një mësues me nja 30-40 fëmijë kishin bllokuar rrugën. Unë në fakt nuk e kisha kuptuar se kishin bllokuar rrugën. Shoh Viktorin unë, doli në breg aty, mirëpo ata që kishin nxjerrë fëmijët, harruan se fëmijët filluan të thonë ‘Sali Berisha’ me dy gishtat. I them, Viktor, ç’po bën aty. Jo, më thotë, kanë dalë të na gjuajnë, na kanë zënë rrugën. Pra, ne nuk u tërhoqëm nga këto, ne qëndruam sepse ishim të bindur se ne duhet të ofrojmë mirëkuptim dhe tolerancë ndaj qytetarëve shqiptarë. Përndryshe nuk bëheshim shumicë ne, përndryshe mbeteshim pakicë. Përndryshe nuk fitonim. Përndryshe nuk ishim forcë demokratë. Pse e evokova këtë? Pra, në qoftë se marrim historikun, çfarë na shërbejnë ne këto 3 vite? Këto tre vite na shërbejnë ne kaq, që ne jemi forca politike e të pamundurave, asgjë më shumë. Menduan të na shuajnë, ja ku jemi në këmbë. Menduan të na heshtin, ne bëmë opozitën më të fuqishme që ka pasur Shqipëria në 34 vite. Menduan të na izolojnë, sot vijmë forca politike më e mbështetur me tre rezoluta ndërkombëtare. Pra, demokrate e demokratë, pse na duhet ky 34-vjetor? Na duhet sepse tani nga forcë e qëndresës, do jemi forcë e fitores. Asgjë në botë nuk mund të ndalë vrullin tonë drejt fitores së 11 majit. Kurrë ndonjëherë fitorja nuk ka qenë në duart tuaja siç ka qenë kësaj here. Kjo fitore ka një kusht: të bashkohemi me çdo demokrat nga viti 1990 gjer sot, që do të rikthehet tek kontributi i tij. Asnjë nga ne nuk del jashtë teorisë së gabimeve. Çfarë është fanatiku, po të më pyesni mua? Fanatiku është një njeri që nuk pranon se gabon. Por ne pranojmë se gabojmë, ne i korrigjojmë gabimet. Po të jetë puna për krime, ne nuk pajtohemi. Por ne nuk jemi parti me krime, ne jemi parti me merita të jashtëzakonshme. Jemi përballur dhe përballemi. Prandaj dhe këtu nga Fieri, i bëj thirrje çdo demokrati, nga viti 1990 gjer sot, të bashkohemi në kontributet tona. Sepse Shqipëria në 34 vite nuk ka pasur periudhë më kritike se kjo. Ky regjim po shkatërron Shqipërinë. Për një moment ju ftoj të mendoni se çfarë mund të ndodhë me regjimin e Edi Rramës kur 1 milion e 100 mijë janë larguar vetëm në hapësirën e Shengenit, çfarë do ndodhë 4 vitet e ardhshme? Të paktën 1 milion do largohen dhe do bashkohen me ta. Së dyti, bashkimi ynë si kusht themelor për një front të madh me të gjithë qytetarët e Fierit, me të gjithë njerëzit punëtorë të këtij qyteti dhe të këtyre zonave, të cilët përjetojnë një regjim që i shfrytëzon me egërsinë më të madhe, të cilët përjetojnë një regjim që sillet ndaj tyre si një regjim kolonial. Po, po, si regjim kolonial. Që të jesh kryeministër, të vësh përpara taksat tuaja, paratë tuaja, 8.2 miliardë euro dhe të lesh për rrogat për qytetarët gjithsej 800 milionë euro, pra vetëm 10 përqind, dhe të lësh për 780 mijë pensionistë, 16 milionë euro, një të 512-tën e buxhetit, të lësh për fermerët shqiptarë gjithsej 31 milionë euro, në një kohë kur japin 19 përqind të gjithë prodhimit të brendshëm të vendit, asnjë kolonialist i pamëshirë nuk do e bënte këtë. Për vete, rrogat në stratosferë. Për vete, çarter. Për vete, Lubi Balluku biftekun 1 mijë euro. Ju jap fjalën e nderit se po të kishte imagjinuar një ministër i PD një gjë të tillë, pa dalë nga restoranti do merrte dekretin e shkarkimit.”, tha Berisha.

Top Channel/ ‘Berisha u persekutua si Trump’/ Kryetari i PD për kreun e fushatës së presidentit
11/02 13:42
Top Channel/ “Diasporës i kam ngritur kokën”, Rama i përgjigjet komentuesve: Kënetën aty e keni
11/02 13:35
Top Channel/ Rama: Ka dy rrugë për të më larguar mua nga politika
11/02 13:16
Top Channel/ “Mbresëlënëse si i kërkohet llogari dikujt për vjehrrin e vdekur”, Rama: Balta…
11/02 13:13
Top Channel/ “SPAK-un e mbështes, por ka probleme”, Rama për Veliajn: E morën…
11/02 13:01
Top Channel/ Nën hetim nga SPAK, Sula i kërkon të lërë drejtimin, Bushka: Jam e dinjitetshme
11/02 12:57
Top Channel/ Hetimi i krimeve zgjedhore! Kreu i KQZ Celibashi takon kryeprokurorin Olsian Çela
11/02 12:56
Top Channel/Nesër gjyqi për Veliajn!Kryetari i bashkisë së Tiranës u arrestua dje me kërkesë të SPAK
11/02 12:53
Top Channel/ “I merni të keqen patronazhistëve”, Rama i përgjigjet komentuesit: Vazhdo, padrino…
11/02 12:50
Top Channel/ “Jep dorëheqjen se gjysmën e qeverisë e ke në burg”, Rama: 6 ministra kanë probleme
11/02 12:44
Top Channel/ “Dënuan nënën e një 6-vjeçari”, Rama reagon pas vendimit për Ajola Xoxën
11/02 12:34
Top Channel/ Rama për arrestimin e Veliajt: U mor nga zyra dhe u mbyll në qeli pa gjyq
11/02 12:27
Top Channel/ “Dumani është goditur me libër shtëpie”, Rama: Kreu i SPAK dosjen “21 Janari”…
11/02 12:27
Top Channel/ Rama sqaron momentin kur i ra tavolinës: Kështu ma nxorën edhe sëpatën, por…
11/02 12:16
Top Channel/ “Veliaj u burgos pa gjyq”/ Rama: U intimiduan dëshmitarët. Unë nuk dorëhiqem
11/02 12:07
Top Channel/ “Sulme barbare që tërhiqen nga bufi stërplak i kënetës”, Rama: Keqkuptim…
11/02 12:06
Top Channel/ “Nuk do i mbaj më për vete opinionet, heshtjen…”! Rama reagon për arrestimin e Veliajt
11/02 12:01
Top Channel/ Arrestimi i Veliajt, Rama takim me nënkryetarët në Bashkinë e Tiranës
11/02 12:00
Top Channel/ Lufta kundër korrupsionit, Rama: Kemi përparuar, eliminuam “bakshishet” në institucione
11/02 11:36
Top Channel/ Rama flet për herë të parë: Mesazhi për Erionin, Ajolën dhe Dumanin
11/02 10:37
DIGITALB DIGITALB - OFERTA